दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

काठमाडौं रोयल्सद्धारा विराटनगर टाइटन्स ५ विकेटले पराजित

न्यूजलाईन्स् मिडिया संवाददाता
प्रकाशित मिति : २०७५ कार्तिक १२ गते, सोमबार १५:१०

पोखरा : पोखरामा जारी पोखरा प्रिमियर लिग (पिपिएल) टी-२० क्रिकेट प्रतियोगिताअन्तर्गत काठमाडौं रोयल्सले विराटनगर टाइटन्सलाई ५ विकेटले पराजित गरेको छ। पोखरा रंगशालामा सोमबार विहान भएको खेलमा विराटनगरले दिएको १ सय ५० रनको लक्ष्य काठमाडौंले ४ बल बाँकी छँदा ५ विकेटको क्षतिमा पार गर्‍यो । लगातार तेस्रो हारसँगै युवा स्टार खेलाडी सन्दीप लामिछानेको कप्तानीमा रहेको विराटनगर पहिलो चरणबाटै बाहिरिने खतरामा परेको छ ।

काठमाडौंका लागि गौरव तोमरले अर्धशतक प्रहार गरे । उनले ६६ रनको योगदान गरे । विराटनगरका कप्तान सन्दीप लामिछानेको बलमा एन्ड्रिउ सुविक्षणबाट क्याच आउट हुनुअघि ४६ बलमा ६ चौका र ३ छक्का प्रहार गरे । गौरवले शनिबार भएको धनगढीविरुद्धको खेलमा ९५ रन प्रहार गरेका थिए । बलिङमा विराटनगरका सहाब अलामले २ विकेट लिए । सन्दीप लामिछाने, जितेन्द्र मुखिया र किशोर महतोले १-१ विकेट हात पारे ।

त्यसअघि पोखरा क्रिकेट मैदानमा टस जितेर पहिले ब्याटिङ गरेको विराटनगरले ७ विकेटको क्षतिमा १ सय ४९ रन जोडेको थियो । पोखराका लागि ओपनिङ ब्याट्सम्यान मोहमद जायद अलामले अर्धशतक प्रहार गरे । उनले ४७ बलमा ६७ रन जोडे । विराटनगरको इनिङ उकास्ने क्रममा पाकिस्तानको यू-१९ टिमबाट खेलिसकेका जायदले ७ चौका र ४ चौका प्रहार गरे । बलिङमा काठमाडौंका गौरव तोमर, बसन्त रेग्मी र सुसन भारी समान १-१ विकेट लिन सफल भए । जारी प्रतियोगितामा विराटनगरले सुरुवाती २ खेल हारिसकेको छ भने काठमाडौंले पहिलो खेलमा जित हात पारेको थियो । अब विराटनगरले  चौथो खेलमा बुटवल ब्लास्टर्ससँग खेल्नेछ । समूह चरणको अन्तिम खेलमा विराटनगरको भिडन्त राष्ट्रिय टिमका कप्तान पारस खड्काको नेतृत्वमा रहेको चितवन राइनोजसँग प्रतिस्पर्धा गर्नेछ ।

श्राेतः janasawal.com

फेसबुक प्रतिक्रिया
सम्बन्धित शीर्षकहरु