दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

ग्राहकको रोजाई बन्दै ठमेलको ‘ब्लुवेल रेष्ट्रो’

न्यूजलाईन्स् मिडिया संवाददाता
प्रकाशित मिति : २०८० श्रावण १४ गते, आईतवार १८:५६

काठमाडौँ । राजधानीको प्रमुख पर्यटकीय स्थल ठमेलमा रहेको ‘ब्लुवेल रेष्ट्रो’ पछिल्लो समय स्वदेशी तथा विदेशी ग्राहकको रोजाईमा पर्न थालेको छ ।

काठमाडौँ महानगरपालिका वडा नं १६ पक्नाजोलस्थित सातघुम्ती सडकमा सञ्चालनमा रहेको ‘ब्लुवेल रेष्ट्रो’ले स्वदेशी तथा विदेशी खाना पस्कँदै आएसँगै ग्राहक आकर्षित गर्न थालेको हो ।

गोरखा वारपाक सुलिकोट गाउँपालिका वडा नं ५ लाँकुरीवोटका ४० वर्षीय युवा व्यवसायी भगवान थापाले विस २०७४ सालमा स्थापना गरेको उक्त रेष्ट्रोले टिपिकल नेपाली थकाली खाना र कन्टिनेन्टल खाना पस्कँदै आएको छ ।

सुरुको समयमा रु ५५ लाखको लगानी गरेर सञ्चालनमा ल्याइएको उक्त रेष्ट्रोमा अफ सिजनमा समेत दैनिक ४० देखि ४५ स्वदेशी तथा विदेशी पाहुना आएर ढिँडो र लोकल कुखुरा, मार्सी चामलको भातसहितको थकाली खानाको स्वाद लिईरहेका छन् ।

“पर्यटकीय सिजनमा थकाली खानाको स्वाद लिने स्वदेशी तथा विदेशी पाहुनाहरुको संख्या उल्लेख्य हुन्छ, गार्डेनसहितको रेष्ट्रो भएकाले विदेशी पाहुनाको रोजाई बन्दै गएको छ ‘ब्लुवेल रेष्ट्रो,”– थापा भन्नुहुन्छ ।

पारिवारिक वातावरण प्रदान गर्दै आएको उक्त रेष्ट्रोले मुस्ताङ आलु, कुरकुरे चिकेन, किमा नुडल्सलगायतका नयाँ खाजाहरुसमेत पस्कदैँ आएको छ । उक्त रेष्ट्रोमा वर्थ डे पार्टी र अन्य पार्टी मनाउनका लागि ४० देखि ५० जनासम्म बसेर जमघट गर्न सकिने सञ्चालक थापाले बताउनुभयो ।

“गर्न सक्यो भने स्वदेशमा पनि राम्रो गर्न सकिन्छ भन्ने मान्यताका साथ रेष्ट्रो सञ्चालन गरेको हो, आफ्नै देशमा बसेर विदेशी पर्यटकलाई खानामार्फत सेवा दिन पाएकोमा ज्यादै खुशी छु,”–सञ्चालक थापाले भन्नुभयो ।

सौहार्दपूर्ण वातावरणमा स्वस्थ्य खानालाई पस्कँदै आएको उक्त रेष्ट्रोले छुट्टै कफिसप समेत सञ्चालन गरेर कफिका पारखीलाई सेवा प्रदान गर्दै आइरहेको छ ।

फेसबुक प्रतिक्रिया
सम्बन्धित शीर्षकहरु