दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

चितवन राइनोजद्धारा काठमाडौँ रोयल्स १३ रनले पराजित

न्यूजलाईन्स् मिडिया संवाददाता
प्रकाशित मिति : २०७५ कार्तिक १५ गते, बिहीबार १५:०४

काठमाडौँ: नमस्ते पोखरा प्रिमियर लिग (पिपिएल) को आजको पहिलो खेलमा चितवन राइनोजले काठमाडौँ रोयल्सलाई पराजित गर्दै प्रतियोगितामा लगातार दोस्रो खेलमा जित हासिल गरेको छ। सुरुका दुई खेलमा हार बेहोरेको चितवन राइनोजले त्यसपछि खेलेका दुई खेलमा जित हासिल गर्दै प्रतियोगितामा फर्किएको छ।

आफ्नो चौथो खेलमा चितवन राइनोजले काठमाडौँ रोयल्सलाई १३ रनले पराजित गरेको छ। चितवन राइनोजले दिएको १५० रन पछाएको काठमाडौँ रोयल्सले २० ओभरमा ९ विकेट गुमाउदै १३६ रन मात्र बनाएको थियो। काठमाडौँ रोयल्सका लागि भारतीय खेलाडी गौरव तोमारले सर्वाधिक ३९ रन बनाएका थिए भने कप्तान ज्ञानेन्द्र मल्लले ३० रनको पारी खेलेका थिए। त्यस्तै पवन सराफले २८ र जयकिसन कोलसावलले १८ रन बनएका थिए।

चितवन राइनोजका बलर करन केसीले उत्कृष्ट बलिङ गर्दै ३ विकेट लिएका थिए। त्यस्तै कप्तान पारस खड्काले २ विकेट लिएका छन् भने समित पटेल, सन्नी पटेल र भुवन कार्कीले एक एक विकेट लिएका थिए। यस अघि टस हारेर पहिला ब्याटिंग गरेको चितवन राइनोजले २० ओभरमा ५ विकेट गुमाउदै १४९ रन बनाएको थियो।

चितवन राइनोजका लागि हरिशंकर शाहले सर्वाधिक ६० रन बनाएका छन्। बुधबारको खेलमा धनगढीविरुद्ध ५३ रन बनाएका हरिशंकरले लगातार दोस्रो खेलमा अर्धशतक बनाउदै चितवन राइनोजलाई सम्मानजनक अवस्थामा पुर्याएका थिए । हरिशंकरले ४९ बल खेल्दै ५ चौका र ३ छक्का बनाउदै ६० रनको पारी खेलेका हुन्।

चितवनका लागि अनिल अनिलकुमार शाहले २७ बलमा २७ रन बनाएका थिए भने समित पटेलले ३१ तथा कप्तान पारस खड्काले १४ बलमा १४ रन बनाएका थिए । त्यस्तै सन्नी पटेलले १३ रन बनाएका थिए । काठमाडौँ रोयल्सका बलर बसन्त रेग्मीले २ विकेट लिए भने नन्दन यादव र पवन सराफले एक एक विकेट लिएका थिए।

प्रतियोगितामा चौथो खेलमा दोस्रो जित हासिल गर्दै चितवन राइनोजले ४ अंक हासिल गरेको छ भने काठमाडौँ रोयल्सले आफ्नो तेस्रो खेलमा २ जित र एक हार सहित ४ अंक हासिल गरेको छ।

श्राेतः janasawal.com

फेसबुक प्रतिक्रिया
सम्बन्धित शीर्षकहरु