दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

जलनमा परेका बिरामीको उपचारका लागि किर्तिपुर अस्पतालमा ‘जलन कोष’ सञ्चालन

न्यूजलाईन्स् मिडिया संवाददाता
प्रकाशित मिति : २०८० भाद्र ८ गते, शुक्रबार ८:४०

काठमाडौँ । कीर्तिपुर अस्पतालले जलन उपचार कोष (बर्न फन्ड) सञ्चालनमा आएको छ ।

प्रतिनिधिसभा सदस्य डा चन्द्रकान्त भण्डारी, बरिष्ठ कलाकारद्वय मदन कृष्ण श्रेष्ठ र हरिबंश आचार्यको संरक्षकत्वमा खोलिएको कोषको खातामा जो कोहीले रकम जम्मा गरि जलनमा परेका बिरामीको उपचारमा सहयोग गर्न सकिने छ ।

जन स्वास्थ्य सरोकार ट्रष्ट नेपाल (पीएचइसीटी) द्वारा सञ्चालित अस्पतालहरुमा असहाय, बेवारिसे र न्यून आर्थिक स्तर भएका जलनका बिरामीहरुलाई उपचारमा सहयोग पुर्याउने उद्धेश्यका साथ कीर्तिपुर नगरपालिकाको सहकार्यमा उक्त कार्य प्रारम्भ गरिएको हो ।

कोष सञ्चालनको मुख्य उद्धेश्य भनेकै सरकारले सोचेअनुसार अग्नि जलनका बिरामीहरुलाई निशुल्क उपचार गर्नु हो । कोषमा सहयोग गर्न चाहनेले कृषि विकास बैंकको बर्न फन्ड फेक्ट नेपालको खातामा रकम जम्मा गर्न सक्नेछन् ।

अब अस्पतालले नेशनल बर्न सेन्टरका रुपमा कीर्तिपूर अस्पताललाई अघि बढाउने एउटा अठोट पनि लिएको छ । कीर्तिपुर अस्पतालका सर्जन डा. शंकरमान राईका अनुसार क्यानडाबाट एक प्लास्टिक सर्जनलाई बोलाएर जलनमा परेका प्रतिनिधिसभा सदस्य भण्डारीको शल्यक्रिया गरिएको र उनको संरक्षणमा भर्खरै बर्न फन्ड स्थापना भएको हो ।

कीर्तिपुर अस्पतालले जलनमा परेका गरिब बिरामीहरूलाई मद्दत गर्दै आइरहेको छ र त्यसलाई अब एउटा ठोस रुप दिनका लागि बर्न फन्ड अघि बढाइएको डा. राईले जानकारी दिए ।

फेसबुक प्रतिक्रिया
सम्बन्धित शीर्षकहरु