दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

कम्युनिस्टहरु एक ठाउँमा आउनैपर्छः विप्लव

न्यूजलाईन्स् मिडिया संवाददाता
प्रकाशित मिति : २०८० भाद्र ११ गते, सोमबार १९:४०

नेपाल कम्युनिस्ट पार्टीका महासचिव नेत्रविक्रम चन्दले प्रगतिशीलहरु, कम्युनिस्टहरु एक ठाउँमा आउनैपर्ने बताउनुभएको छ ।

सोमवार काठमाडौंमा नेकपाले आयोजना गरेको कार्यक्रममा पार्टीका महासचिव विप्लवले परिस्थितिले पनि प्रगतिशीलहरु, कम्युनिस्टहरु एक ठाउँमा आउनैपर्ने बताउनुभएको हो । विप्लवले देशलाई हृदयदेखि माया गर्नेहरु एक हुनुपर्ने बताउनु भयो । उहाँले प्रगतिशील शक्तीसँग मिले मात्रै देशको विकास हुने बताउनु भयो । उहाँले एमसीसी केवल आर्थिक प्रोजेक्ट मात्र नभई सैन्य मोर्चा रहेको बताउनु भयो ।
उहाँले भन्नुभयो, ‘यहाँ एउटा नौलो खालको जमघट भएको छ । झापा विद्रोहदेखि सुरक्षाकर्मी संघसम्म, जनरलदेखि माओवादीका योद्धा, लडाकुसम्म । पिएलएका पनि यहाँ हुनुहुन्छ । हामी फुटेका पनि यहाँ जुटिसकेका छाँै । मान्छे खुब रमाएका थिए, फुट्यौं नी बल्ल खायौँ भनेका थिए । अब हेर हामी कसरी जुट्दैछौं भन्नेपनि । यहाँ झापा आन्दोलनदेखि नौलो जनवाद, समाजवाद ल्याउनका लागि जेलनेल झेल्दै आएका व्यक्तित्वहरुपनि हुनुहुन्छ । यहाँ नेपाल उभिएको जस्तो अनुभुती भएको छ । नेपाल दुई वटा छन् । एउटा नेपाल मालिकहरुको अगाडी नाग रकडेर बस्ने मान्छेहरु छन् । दुई कौडीको भिखको लागि देश बेच्न तयार हुने गद्धारहरु पनि छन् । लाचार मान्छेहरुको एउटा पंक्ती छ नेपालमा । देशप्रति गद्धारी गर्नु र आमाप्रति गद्धारी गर्नु एउटै कुरा हो । आफ्नो कुर्सी र पदको लागि आमाप्रति गद्धारी गर्ने कलङ्कीत पात्रहरुपनि यहाँ छन् । तर, त्यो होइन । यो कार्यक्रममा नेपालमा स्वर्ग खडा गर्न चाहने मान्छेहरुको पंक्ती छ । हामी नेपाललाई साँच्चीकै सुन्दर र सभ्य देश बनाउन चाहन्छौँ । नेपाली जनताबाट हेर्नुभयो भने त्यो सम्भव छ । तर, त्यसको लागि धेरै कठिनाई संघर्ष गर्नुपर्छ । हाम्रो देशलाई हृदयदेखि माया गर्नेहरु एक हुनसक्छौं । देशमाथि हमला हुँदाखेरी वा हस्तक्षप हुँदा एक हुन आवश्यक छ । यो संघर्षको नयाँ मोर्चापनि हो । परिस्थितिले नयाँ मोर्चा खडा गर्छ । नेपाललाई भित्रि हृदयदेखि माया गर्ने मानिसहरुको पंक्ति यो कार्यक्रममा छ । कम्युनिष्टहरुले के भनेका छन् भने प्रगतिशील शक्तीसँग मिल्नुपर्छ । नेपालको परिस्थितिले के भन्छ भने प्रगतिशीलहरु, कम्युनिस्टहरु एक ठाउँमा आउनैपर्छ । एमसीसी केवल आर्थिक प्रोजेक्ट होइन । संस्थाको कुरा मात्रै होइन । एमसीसी सैन्य मोर्चा हो । यो नेपालको मोर्चा मात्रै होइन अन्तर्राष्ट्रिय मोर्चाको अँग पनि हो ।’

उहाँले नेपालमा राजनितिक अन्तरबिरोध फेरीएको भन्दै नेपाली जनताको मुख्य लडाई अमेरीकी साम्राज्यवाद बिरुद्ध रहेको बताउनु भयो । व्यक्तिगत स्वार्थलाई प्रधान ठान्ने प्रवृत्तिले देश र जनताको पक्षमा नसोच्ने बताउनु भयो ।

फेसबुक प्रतिक्रिया
सम्बन्धित शीर्षकहरु