तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

नेपाली ई–स्पोर्ट्स खेलाडीका निम्ति अभिमुखीकरण कार्यक्रम सम्पन्न

न्यूजलाईन्स् मिडिया संवाददाता
प्रकाशित मिति : २०८० भाद्र ३१ गते, आईतवार ६:२५

नेपाल ई–स्पोर्ट्स संघ (नेसा) ले १९ औं एसियाली खेलकुदमा सहभागि हुने नेपाली खेलाडीका निम्ति एक दिने अभिमुखीकरण कार्यक्रम ओलम्पिक भवन, सातदोबाटोमा आयोजना गरेको छ ।

चीनको हाङझाओमा सेप्टेम्बर २३ देखि अक्टोबर ८ सम्म सञ्चालन हुने एसियाली खेलकुदमा ई–स्पोर्ट्सका सात खेल (विधा) समावेश गरिएको छ र त्यसमध्ये पा“च खेलमा नेपालका २३ खलाडी सहभागि हुदैछन् । भच्र्युअल रुपमा खेलिने ई–स्पोर्ट्सलाई एसियाली खेलकुदमा पदक खेलको रुप्मा पहिलोपल्ट समावेश गरिएको हो । त्यसैले पिस एलिटको रुपमा समावेश पब्जी मोबाइलसहित एरिना अफ भेलोर, ड्रिम थ्री किङडोम्स, डोटा र फिफा (ईफुटबल) मा हाङझाओ जाने नेपाली खेलाडीलाई एसियाली खेलकुदको महत्व, राष्ट्रको प्रतिनिधित्व गर्दा हुने गौरव र यसमा पालना गर्नुपर्ने अनुशासनलाई लिएर नेसाले अभिमुखीकरण कार्यक्रम सञ्चालन गरेको हो ।
कार्यक्रममा ११ औं दक्षिण एसियाली खेलकुद २०१० मा उसुमा स्वर्णपदक जितेका आङबाबु लामा र महिला चेसमा पहिलो राष्ट्रिय चेस च्याम्पियन मोनालिशा खम्बूले ओलम्पिकपछिको सबभन्दा प्रतिष्ठित् बृहत् खेलकुदमा सहभागि हु“दाका आ–आफ्ना अनुभव बा“डेका थिए । राष्ट्रिय तथा अन्तर्राष्ट्रिय खेलाडी संघ (एनएनआईपीए) का कोषाध्यक्षसमेत रहेका लामाले सन् २०१० मा ग्वान्जाउ, चीन र २०१४ मा इन्चोन, दक्षिण कोरियामा भएका एसियाली खेलकुदमा प्रतिस्पर्धा गरेका थिए । नेपाल चेस महासंघकी उपमहासचिव रहेकी खम्बू २००६ मा दोहा, कतार तथा २०१० मा ग्वान्जाउ, चीनमा भएका एसियाली खेलकुदमा सहभागि भएकी थिइन् । उनीहरूले खेलमा केन्द्रित हु“दै खेलाडीले व्यक्तिगत जीवनलाई पनि अनुशासित राख्न आवश्यक भएको बताएका थिए ।
त्यस्तै, ब्याडमिन्टन एसियाका सिर्टिफाइड अम्पायर दीपक थापाले एसियाली खेलकुदजस्ता ठूला र प्रतिष्ठित् प्रतियोगितामा खेलाडीहरूले एथलेटि भिलेजमा के–कसो गर्छन् भनी सूक्ष्म रुपमा हेर्ने भएकाले खेलाडीको अनुशासन र व्यवहारमा देशको प्रतिष्ठाको सवाल जोडिएको हुने र त्यसमा ख्याल गर्नुपर्ने आवश्यकता रहेको बताए । सन् २०१६ मा ब्राजिलको रियो डे जेनेरियोमा भएको समर ओलम्पिकमा निर्णायकको भूमिका निर्वाह गरेका उनले उत्कृष्ट प्रदर्शनको लागि विपक्षी खेलाडीको उक्साहटबाट पनि जोगिन सुझाव दिए । पत्रकार राजु घिसिङले ठूला प्रतियोगितामा मिडियामा कसरी प्रस्तुत हुनुपर्छ भन्ने सम्बन्धमा खेलाडीले ध्यान दिनुपर्ने कुराहरूबारे जानकारी दिए ।
नेपाल ओलम्पिक कमिटिका अध्यक्ष जीवनराम श्रेष्ठले मिहिनेतसाथ ई–स्पोर्ट्समा नेपालको सहभागिता र सबभन्दा ठूलो टिमबारे निर्णय गरिएको उल्लेख गर्दै १९ औं एसियाली खेलकुदमा पदक जित्ने आशा राखेको बताए । नेसाका अध्यक्ष्ँ सरज डंगोलले ई–स्पोर्ट्समा नेपालले राम्रो गरिरहेको जनाउ“दै हाङझाओमा पनि पदक जितेर आउने विश्वास व्यक्त गरे । कार्यक्रममा उनले खेलाडीहरूलाई एसियाली खेलकुदको एक्रिडिटेसन कार्ड पनि वितरण गरे । यसपालि एसियाली खलकुदमा चीन प्रवेशका निम्ति एसियाली खेलकुदको एक्रिडिटेसन कार्डलाई भिसाको रुपमा मान्यता दिइएको छ ।

फेसबुक प्रतिक्रिया
सम्बन्धित शीर्षकहरु