दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

सेतीकाली साहित्य सङ्गमको आयोजनामा ४३ औं काव्य श्रृङ्खला तथा शुभकामना आदानप्रदान सम्पन्न

न्यूजलाईन्स् मिडिया संवाददाता
प्रकाशित मिति : २०८० कार्तिक १ गते, बुधबार २२:१६

तनहुँ । सेतीकाली साहित्य सङ्गम, तनहुँले विजया दशमी, दिपावली तथा छठ पर्वको अवसरमा शुभकामना तथा चियापान कार्यक्रम आयोजना गरेको छ ।

धार्मिकस्थल भिमादको थुम्कीमा रहेको शिव पाञ्चायन मन्दिरमा बुधबार आयोजित कार्यक्रममा कविता एवम् विभिन्न साहित्यिक सिर्जना वाचन गरिएको थियो ।

संस्थाका अध्यक्ष नारायण कैलाश सिग्देलको अध्यक्षतामा सम्पन्न कार्यक्रममा प्रमुख अतिथि संविधान सभाका सदस्य तथा पूर्व माननीय टुकराज सिग्देल रहेका थिए भने भिमाद नगरपालिकाका प्रमुख दधिराज सुवेदी, स्वतन्त्र सेनानी पत्रकार विश्वबन्धु भण्डारी लगायतको उपस्थिति रहेको थियो ।

२०७८ सालमा स्थापना भएको यस सस्थाले भिमाद सेरोफेरोलाई मुख्य केन्द्र बनाएर विभिन्न साहित्यिक कार्यक्रम सञ्चालन गर्दै आएको छ । जसमा सन्तबहादुर सन्तको मेरो देश नामक गजल विमोचन, नारायण कैलाश सिग्देलको कथासंग्रह विमोचन, नगरस्तरिय आधारभुत विद्यालयमा कथा वाचन, कथाकार भरतकुमार श्रेष्ठको अपहरण नामक कथा विमोचन लगायत कार्यक्रमहरु रहेका छन् ।

कार्यक्रमका प्रमुख अतिथि सिग्देलले स्थापनाको छोटो कार्यकालमा नै यस सस्थाले गरेका विभिन्न गतिविधिको प्रशंसा गरेका थिए ।

साहित्यले समाजलाई देखाउने ऐना मात्र नभई समाजलाई कता लैजाने भन्ने निर्क्योल गर्ने बताउँदै सिग्देलले युवापुस्ता पनि यो क्षेत्रमा लागेकोमा आभार व्यक्त समेत गरे ।

साथै उनले यो संस्थाको माध्यमबाट लुकेको प्रतिभाहरु बाहिर आउनेमा विश्वास व्यक्त गरे ।

फेसबुक प्रतिक्रिया
सम्बन्धित शीर्षकहरु