दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

एसियन र श्रृजनशील सेमिफाइनलमा

न्यूजलाईन्स् मिडिया संवाददाता
प्रकाशित मिति : २०८० पुष १० गते, मंगलवार ७:२२

काठमाडौं, पुस ९ गते ।एसियन पब्लिक र श्रृजनशील १२ औं प्याब्सन मध्य क्षेत्रीय बास्केटबल प्रतियोगिताको सिनियर गल्र्समा सोमबार सेमिफाइनलमा प्रवेश गरेका छन् ।
शंखमूलस्थित अवेरनेस इन्टरनेसनल एकेडेमी (एआईए) को कोर्टमा एसियनले चैतन्यलाई ७–२ ले पराजित ग¥यो । एसियनको जितमा सारिका बोहराले ३ अंक योगदान गरिन् । कुञ्जना मगरको ६ अंक सहयोगमा श्रृजनशीलले लिभरपुललाई १२–४ ले हरायो ।
प्याब्सन मध्य क्षेत्रीय समिति, काठमाडौंद्वारा आयोजित प्रतियोगिताको सिनियर गल्र्समै काठमाडौं जेभियर्सले हेम्सलाई ९–८ तथा इनोभेटिभले सनसाइनलाई १९–१४ ले पाखा लगाए । काठमाडौं जेभियर्सकी दिप्रेन्जा बोहराले ६ तथा इनोभेटिभकी रिद्धि घर्ती मगरले १७ स्कोर गरे । सेमिफाइनलमा काठमाडौं जेभियर्सको भेट इनोभेटिभसंग हुनेछ भने एसियनले श्रृजनशीलको सामना गर्ने छ ।
सिनियर ब्वाइजमा एआईएले भद्रघलेलाई २७–१५, हेम्सले स्वप्नवाटिकालाई ३३–२०, काठमाडौं जेभियर्सले सूर्योदयलाई ३५–११ र सनसाइनले स्पाङगललाई ३०–१७ ले पाखा लगाउदै सेमिफाइनलमा स्थान सुरक्षित गरे । एआईएका पर्वत पाण्डेले ७, हेम्सका आयुश कटुवालले १०, काठमाडौं जेभियर्सका रमितले १० र सनसाइनका सफल तामाङले १५ अंक बटुले । सेमिफाइनल हेम्स र सनसाइन तथा काठमाडौं जेभियर्स र एआईएबीच हुनेछ ।
जुनियर ब्वाइजमा एआईएले लिटिल फ्लावरलाई ८–६, काठमाडौं जेभियर्सले स्वप्नवाटिकालाई १७–१४, सनसाइनले स्पाङगललाई १६–११ र चैतन्यले इनोभेटिभलाई १५–१३ ले पन्छ्याउदै सेमिफाइनल यात्रा तय गरे । एआईएका आविस्कार बुढाले ४, काठमाडौं जेभियर्सका श्रीयानले ५, सनसाइनका ऋतिक गिरीले ६ र चैतन्यका एलिस तामाङले ९ अंक जोडे । सेमिफाइनलमा काठमाडौं जेभियर्सले चैतन्य तथा एआईएले सनसाइन विरुद्ध खेल्ने छन् ।

फेसबुक प्रतिक्रिया
सम्बन्धित शीर्षकहरु