तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

धावक रोकाय र रेफ्री श्रेष्ठ सम्मानित

न्यूजलाईन्स् मिडिया संवाददाता
प्रकाशित मिति : २०८० माघ ८ गते, सोमबार ५:४५

टेक्सास कलेजले ओलम्पियन हरिबहादुर रोकाय र ई–स्पोर्ट्स रेफ्री क्षितिज श्रेष्ठलाई सम्मान गरेको छ ।
बार्षिक ईसीए मिट (अतिरिक्त क्रियाकलाप कार्यक्रम) को अवसरमा टेक्सास कलेजले रोकाय र श्रेष्ठलाई मित्रपार्कस्थित कलेजमा आयोजित कार्यक्रममा सम्मान गरेको हो । कार्यक्रममा उहाँहरूलाई कलेजका कार्यकारी अध्यक्ष भेषराज पोखरेल र सशस्त्र प्रहरीका एसएसपी राजेन्द्र खड्काले सम्मानपत्र र मायाको चिनो प्रदान गरे ।
जुम्लाका धावक रोकायले सन् १९९२ मा बार्सिलोना (स्पेन) मा भएको गृष्मकालीन ओलम्पिकको म्याराथनमा प्रतिस्पर्धा गरेका थिए । एथलेटिक्स प्रशिक्षकसमेत रहेका उनले ट्रेल रनिङमा गिनिज वल्र्ड रेकर्डस् पनि बनाएका थिए । टेक्सास कलेजका पूर्वविद्यार्थी रहेका श्रेष्ठ आईईएसएफ (इन्टरेसनल ई–स्पोर्ट्स फेडेरेसन) ले पहिलोपल्ट गत नाभेम्बरमा दक्षिण कोरियाको बुसानमा आयोजना गरेको ई–स्पोर्ट्स टायर २ रेफ्री कोर्स उत्तीर्ण गरी पहिलो ब्याचका रेफ्री भएका हुन् । उनी मोटर स्पोर्ट्सका मार्शल र बुद्धिचालका आर्बिटरसमेत हुन् ।
कलेजको ईसीए मिटको अवसरमा यसपाली ई–स्पोर्ट्सका मोबाइल लिजेन्ड र ई–फुटबल पनि समावेश गरिएको थियो । त्यससँगै फुटबल, क्रिकेट, बास्केटबल, एथलेटिक्स, बुद्धिचाललगायत विभिन्न २० खेलका प्रतिस्पर्धामा विजयी विद्यार्थी खेलाडीहरूलाई कार्यक्रममा पुरस्कार प्रदान गरिएको थियो ।

फेसबुक प्रतिक्रिया
सम्बन्धित शीर्षकहरु