दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

एन प्याब्सनको खेलकुद सप्ताह बिहीबारदेखि

न्यूजलाईन्स् मिडिया संवाददाता
प्रकाशित मिति : २०८० माघ १७ गते, बुधबार ७:०८

नेसनल प्याब्सन काठमाडौंको आयोजनामा खेलकुद सप्ताह बिहीबारदेखि हुने भएको छ । खेलकुद सप्ताहमा ब्वाइज फुटसल, ब्वाइज बास्केटबल, टेबलटेनिस, एथलेटिक्स र टग अफ वार गरी ५ खेलमा प्रतिस्पर्धा हुने आयोजकका अध्यक्ष अमृतकुमार खड्काले मंगलबार आयोजित पत्रकार सम्मेलनमा जानकारी गराए ।
कपनस्थित दीक्षालय नेपालमा हुने फुटसलमा ४० तथा शंखमूलस्थित नेरिक एकेडेमीमा हुने बास्केटबलमा २० टिमको सहभागिता रहने छ । एथलेटिक्स र टग अफ वार सिनामंगलस्थित एजीएम स्कुल तथा टेबलटेनिस धुम्बाराहीस्थित युनिभर्सल स्कुलमा खेलाइने छ । एथलेटिक्समा ६ तथा टेबलटेनिसमा २ स्वर्णका लागि प्रतिस्पर्धा हुनेछ ।
एसइइ परीक्षाका कारण कक्षा ९ का विद्यार्थीलाई मात्र प्रतियोगितामा सहभागी गराइएको आयोजकका उपाध्यक्ष एवं अतिरिक्त क्रियाकलाप विभाग प्रमुख प्रेमकुमार भुजेलले बताए ।
पत्रकार सम्मेलनमा अध्यक्ष खड्काले विद्यालय खेलकुदलाई जोड दिन सकेको खण्डमा मात्र राष्ट्रका लागि उन्नत खेलाडी उत्पादन गर्न सकिने धारणा व्यक्त गरे । बिहीबार खेलकुद सप्ताहको टुंडिखेलमा औपचारिक उद्घाटन मात्र हुनेछ ।

फेसबुक प्रतिक्रिया
सम्बन्धित शीर्षकहरु