तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

स्पेनमा अशोक उत्कृष्ट

न्यूजलाईन्स् मिडिया संवाददाता
प्रकाशित मिति : २०८० माघ २२ गते, सोमबार ५:१२

नेपालका अशोक खड्का आइतबार स्पेन ओपन तेक्वान्दो च्याम्पियनसिपमा उत्कृष्ट रेफ्री घोषित हुनुभएको छ ।
विश्व ओलम्पिक तेक्वान्दो महासंघको आयोजनामा फेबु्रअरी २ देखि ४ तारिखसम्म भएको यस प्रतियोगितामा अशोकले ग्योरोगी र पुम्सेमा निर्णायकको भूमिका निर्वाह गर्नुभएको थियो । सो प्रतियोगितामा खेल सञ्चालन गर्ने आठ देशका १२ रेफ्रीबीच अशोक सर्वश्रेष्ठ चुनिनुभएको हो । वल्र्ड ओलम्पिक तेक्वान्दो फेडरेसन्स स्पेन च्याप्टरका अध्यक्ष भिक्टोर पिजारो बार्सेलोले अशोकलाई उत्कृष्ट रेफ्रीको ट्रफी प्रदान गर्नुभयो ।
यस महिनामात्र अशोक वल्र्ड तेक्वान्दो (डब्लुटी) बाट पुम्से विधातर्फ दोश्रो श्रेणीको रेफ्रीमा पदोन्नती हुनुभएको थियो । अशोकले सन् २०२१ मा ग्यारोगी विधामा पनि दोस्रो श्रेणीको रेफ्रीको मान्यता पाउनुभएको थियो । यसैगरी दुई वर्षअघि युवा तथा खेलकुद मन्त्रालयले अशोकलाई राष्ट्रिय खेलकुद प्रतिभा सम्मानअन्तर्गत उत्कृष्ट निर्णायकबाट सम्मान गरेको थियो । अशोक क्यारोगी, पुम्से र पारा तीन वटै बिधाका नेपालका एक मात्र अन्तर्राष्ट्रिय निर्णायक पनि हुनुहुन्छ ।
विश्वका विभिन्न स्थानमा ३५ भन्दा बढी अन्तर्राष्ट्रिय प्रतियोगितामा रेफ्रीको भूमिका निर्वाह गरिसकेका अशोकले यसअघि दक्षिण कोरियामा भएको सोङनाम ओपन अन्तर्राष्ट्रिय तेक्वान्दो २०२३, जापान ओपन तेक्वादो २०२२, अस्ट्रियन ओपन तेक्वान्दो २०२१, जर्मन ओपन २०१९ जस्ता वल्र्ड र्याकिङ प्रतियोगितामा सर्वश्रेष्ठ निर्णायकको सम्मान पाइसक्नुभएको छ ।

फेसबुक प्रतिक्रिया
सम्बन्धित शीर्षकहरु