तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

टान र गरिमा विकास बैंकबीच सहुलियत सहित सेवा उपलब्ध गराउने सम्झौता

न्यूजलाईन्स् मिडिया संवाददाता
प्रकाशित मिति : २०८० चैत्र ५ गते, सोमबार २०:३५

काठमाडौँ । देशभरका पर्वतीय पदयात्रा पर्यटन व्यवसायीहरुको छाता संस्था ट्रेकिङ एजेन्सी एसोसिएसन अफ नेपाल (टान) र गरिमा विकास बैंक लिमिटेडबीच सदस्य संस्थाहरुलाई बैंकले उपलब्ध गराँउदै आएको विभिन्न प्रकारका कर्जामा सहुलियतसहित सेवा उपलब्ध गराउने सम्झौता भएको छ ।

उक्त सम्झौता पत्रमा बैंकको तर्फबाट प्रमुख कार्यकारी अधिकृत गोविन्दप्रसाद ढकाल र टानको तर्फबाट अध्यक्ष नीलहरी बास्तोलाले हस्ताक्षर गर्नुभएको छ । उक्त सम्झौता पत्रमार्फत टानका सदस्यहरूलाई गरिमा विकास बैंक लिमिटेडले अधिकतम रु ५० लाखसम्म गरिमा सरल एसएमई आवधिक र ओभरड्राफ्ट कर्जा सहुलियत ब्याजदरमा उपलब्ध गराउने उल्लेख भएको टानका महासचिव बिनोद सापकोटाले जानकारी दिनुभयो ।

यस्तै रु ५ लाखसम्म को बैंक ग्यारेन्टी मात्र १० प्रतिशतको नगद मार्जिनमा उपलब्ध गराउने गरिमा विकास बैँकले जनाएको छ । यो सेवा नयाँ बैँक ग्यारेन्टी तथा नविकरणका हकमा लागू हुनेछ । यी सेवाहरुले गर्दा टान सदस्यहरूलाई व्यापार व्यवसायमा सहजीकरण हुने टानले विश्वास लिएको छ । इच्छुक सदस्यहरूले आफूलाई पायक पर्ने गरिमा विकास बैंकको शाखा कार्यालयमा सम्पर्क गरी सेवा लिनसक्ने बताइएको छ । सम्झौता पश्चात टानले गरिमा विकास बैंकलाई बैंकिङ्ग पार्टनरको रुपमा अघि बढाउने प्रतिबद्धता व्यक्त गरेको छ ।

काठमाण्डौंको लाजिम्पाटमा केन्द्रीय कार्यलय रहेको गरिमा विकास बैंक लिमिटेडले काठमाण्डौं उपत्यकाभित्र २२ सहित देशभर १२३ शाखा कार्यालय, १ एक्सटेन्सन काउण्टर र ५१ वटा एटीएम मार्फत ग्राहकहरुलार्ई वित्तीय सेवा प्रदान गर्दै आईरहेको छ । टानमा देशभर दुई हजारभन्दा बढी व्यवसायी आवद्ध रहनुभएको छ ।

सम्झौता कार्यक्रममा टानका अध्यक्ष बास्तोलासहित वरिष्ठ उपाध्यक्ष कृष्णप्रसाद दाहाल, प्रथम उपाध्यक्ष प्रदीप पण्डित, महासचिव बिनोद सापकोटा र कोषाध्यक्ष पुरुषोत्तम तिमिल्सिनाको सहभागीता रहेको थियो भने बैँकको तर्फबाट सिईओ ढकालसहित सहकायक सिईओ माधवप्रसाद उपाध्याय, मानव संसाधन विभाग प्रमुख सन्जुप्रसाद जैसवाल र निक्षेप स्रोत व्यवस्थापन विभाग प्रमुख भक्तबहादुर केसीको उपस्थिती रहेको थियो ।

फेसबुक प्रतिक्रिया
सम्बन्धित शीर्षकहरु