दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

प्रेस सेन्टर रूपन्देहीद्वारा अग्रज पत्रकार सम्मानित

न्यूजलाईन्स् मिडिया संवाददाता
प्रकाशित मिति : २०८० चैत्र २५ गते, आईतवार २१:५०

बुटवल । प्रेस सेन्टर नेपाल रूपन्देहीले अग्रज पत्रकार सम्मान गरेकाे छ । आइतबार बुटवलमा पत्रकारीता क्षेत्रमा लामाे समय याेगदान गरेका अग्रज पत्रकारहरूलाई सेन्टरले सम्मान गरेकाे हाे ।

प्रेस स्वतन्त्रता सेनानी कर्ण बहादुर कार्की, मदनलाल पाैडेल अग्रज पत्रकारहरू नारायण सापकाेटा, गुरूदत्त ज्ञवाली, दुर्गा पाैडेल, विनोद पहाडी, यानेन्द्र जिसी, प्रेस सेन्टर रूपन्देहीका संस्थापक अध्यक्ष लेखनाथ न्याैपाने, पूर्व अध्यक्षहरू नारायण ज्ञवाली, रूद्रहरी कुँवर, भुवन कार्की र कमल रायमाझीलाई सम्मान गरीएकाे संगठनले जानकारी दिएकाे छ ।

लुम्बिनी प्रदेशका पूर्व मन्त्री तथा नेकपा माओवादी केन्द्रका प्रदेश अध्यक्ष सुदर्शन बरालले पत्रकारलाई दाेसल्ला र प्रमाणपत्रले सम्मान गरेका हुन् । साे अवसरमा बाेल्दै पूर्व मन्त्री बरालले पत्रकारहरूले सधैँ दु:खी गरिबकाे पक्षमा लेख्नु पर्ने बताए । पुँजीपती बर्गले मानवलाई विचारविहिन र चेतनाविहिन बनाउन लागी परेकाे उल्लेख गर्दै उनले नयाँ पुस्तालाई समाजकाे बारेमा बुझाउनु आवश्यक रहेकाे बताए । पुरानाे पुस्तालाई सम्मान गरेर अघि वढ्नसके मात्रै पत्रकारिता क्षेत्रकाे विकास गर्न सकिने उनकाे भनाई छ ।

त्यस्तैगरी प्रेस स्वतन्त्रता सेनानी कर्ण बहादुर कार्कीले आफ्नाे समयमा पत्रकारिताकाे माध्यमबाट रूपान्तरणका पक्षमा सशक्त आवाज उठाएकाे स्मरण गर्दै इमान्दारितापूर्वक सकारात्मक परिवर्तनकाे पक्षमा कलम चलाउन सुझाए । उनले परिवर्तन संस्थागत गर्नुकाे साटाे नेताहरू भ्रष्टिकरणकाे मार्गमा हिडेकाे भन्दै चिन्ता व्यक्त गरे ।

वरिस्ठ पत्रकार डा. बालकृष्ण चापागाईंले अग्रज पत्रकारहरूलाई सम्मान गर्नु समग्र पत्रकारिता क्षेत्रकाे सम्मान भएकाे बताए । नेपाल पत्रकार महासंघ रूपन्देहीका अध्यक्ष रामराज पाेख्रेलले अग्रजकाे सम्मान गर्नु अहिलेकाे पुस्ताकाे जिम्मेवारी भएकाे बताए । उनले प्रेस सेन्टरले अग्रजहरूलाई सम्मान गरेकाे देख्दा आफुलाई खुसी लागेकाे समेत बताए ।

कार्यक्रम प्रेस सेन्टर नेपाल रूपन्देहीका अध्यक्ष बिष्णु प्रसाद पाेखरेलकाे अध्यक्षता र सचिव रमेश गैह्रेकाे सञ्चालनमा सम्पन्न भएकाे थियाे ।

फेसबुक प्रतिक्रिया
सम्बन्धित शीर्षकहरु