तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

तारकेश्वर नगरपालिकामा भोली देखि विशेष पोलियो खोप अभियान सुरु हुने

न्यूजलाईन्स् मिडिया संवाददाता
प्रकाशित मिति : २०८१ श्रावण ८ गते, मंगलवार २१:१७

काठमाण्डौं । तारकेश्वर नगरपालिकामा भोली देखि विशेष पोलियो खोप अभियान सुरु हुने भएको छ ।तारकेश्वर नगरपालिकाको ११ वटै वडाबाट एक साथ सुरु हुने यस अभियान श्राबण १२ गते सम्म चल्नेछ । विशेष पोलियो खोप अभियान अन्तरगर्त जन्मीए देखि ५ बर्ष सम्मका बालबालिकाहरुलाई घर घरमा पुगेर पोलियो थोपा खुवाउने कार्यक्रम रहेको तारकेश्वर नगरपालिकाका स्वास्थ्य शाखाका प्रमुख बिनोद कुमार शाहले जानकारी दिनुभयो ।

यस अभियानमा तारकेश्वरका करिब ४१ हजार ३ सय ६२ घर धुरीमा रहेका १७ हजार ४ सय १५ बालबालीकाहरुलाई पोलियो थोपा खुवाइने छ । यस कार्यक्रमका लागि तारकेश्वर नगरपालिकाका ११ वटै वडामा कार्यरत १६५ महिला स्वास्थ्य स्वयमसेवीका सहित ८७० भ्याक्सीन टोली परिचाल हुनेछन् ।

पोलियो उन्मुलन घोषणा भएको करिब २० बर्ष पछि काठमाण्डौंको टुकुचा खोलामा पानी परिक्षणको क्रममा पोलियोको जिवाणु भेटिएपछि सरकारले भोली देखि काठमाण्डौ उपत्यकाको ३ जिल्लामा विशेष पोलियो खोप अभियान एकै साथ सुरु हुंदैछ ।
बिगतमा पोलियो खोप लिएका वा नलिएका सबै बालबालिकालाई यस अवसरमा पोलीयो खोप दिनुपर्दछ ।यस अभियानमा हरेक घर घरमा गएरनै बालबालिकाहरुलाई पोलियो थोपा खुवाइने कार्यक्रम रहेपनी प्रि प्राइमरी स्कुलहरुमा अध्ययन गरिरहेका ५ बर्ष मुनिका बालबालिकाहरुलाई भने विद्यालयमानै गएर पोलियो थोपा खुवाउने कार्यक्रम रहेको तारकेश्वर नगरपालिकाका स्वास्थ्य शाखाका अधिकृत गणेश कुंवरले जानकारी दिनुभयो ।

कुवंरले चार दिन सम्म चल्ने यस अभियानका क्रममा औषधी उपचारका लागि स्वास्थ्य संस्थामा गएका बालबालिकाहरुलाई पनि सोही स्थानमा पोलियो थोपा खुवाइने कार्यक्रम रहेको बताउनुभयो ।

फेसबुक प्रतिक्रिया
सम्बन्धित शीर्षकहरु