तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

नेक क्यालिडोस्कोपमा विपास्नालाई ५० हजार

न्यूजलाईन्स् मिडिया संवाददाता
प्रकाशित मिति : २०८१ आश्विन १२ गते, शनिबार ६:२७

काठमाडौं । नेपाल इन्जिनियरिङ कलेज (नेक) को एसियन पेन्टस क्यालिडोस्कोप २०२४ सम्पन्न भएको छ । कलेजमा आज आयोजित कार्यक्रममा क्यालिडोस्कोप २०२४ का विजेताहरुलाई नगद पुरस्कार, प्रमाणपत्र र ट्रफी प्रदान गरियो ।

कलेजको आर्किटेक्ट विभाग र १८ औं ब्याच आर्किटेक्चरद्वारा आयोजित क्यालिडोस्कोप २०२४ प्रतियोगितामा विपास्ना कंशाकार विजयी हुँदै नगद ५० हजार, ट्रफी र प्रमाणपत्र प्राप्त गरिन् । प्रतियोगिताको फस्ट रनरअफ सगुन कोइराला भए । उनले २५ हजार नगद, ट्रफी र प्रमाण पत्र प्राप्त गरिन् । श्रुतिका शाक्य सेकेण्ड रनरअप हुँदै नगद १५ हजार, ट्रफी र प्रमाणपत्र प्राप्त गर्न सफल हुँदा अर्का विद्यार्थी आवाज गुरुङले सान्त्वना पुरस्कार प्राप्त गरे ।

क्यालिडोस्कोपमा आर्किटेक्चरका विद्यार्थीहरुले १ महिना लगाएर विभिन्न डिजाइनहरु गर्ने गर्दछन् । ती डिजाइनहरु मध्येबाट निर्णायक कमिटीले उत्कृष्ट डिजाइन छनौट गर्दछन् । यो पटकको प्रतिष्पर्धामा कलेजका १८ औं ब्याच आर्किटेक्ट विभागका विद्यार्थीहरुले सहभागीता जनाएका थिए ।

पुरस्कार वितरण कार्यक्रममा बोल्दै कलेजका आर्किटेक्ट विभागका विभागिय प्रमुख एशोसिएट प्रोफेसर अनिल रेग्मीले आर्किटेक्ट अध्ययन गरिरहेका विद्यार्थीहरुले हासिल गरेका ज्ञान र सीपलाई उजागर गर्न क्यालिडोस्कोप महत्वपूर्ण प्लेटफर्म बनेको बताए । प्रतिष्पर्धालाई अझ निष्पक्ष र पारदर्शी बनाउँदै अधिकतम विद्यार्थीहरुको सहभागीता हुन सक्ने बनाइनु पर्नेमा जोड दिँदै विभागीय प्रमुख रेग्मीले कलेजको तर्फबाट प्रतियोगितालाई आवश्यक सहयोग गर्न तत्पर रहेको बताए ।

नेक प्रशासन प्रमुख श्रीमा शर्माले विजयी विद्यार्थीहरुलाई शुभकामना दिँदै विद्यार्थीले हासिल गरेको ज्ञान र सीपलाई उजागर गर्न यस्ता प्रतियोगिताहरु महत्वपूर्ण हुने बताउँदै कलेज प्रशासन सदैव विद्यार्थीको हितमा रहने बताइन् । विद्यार्थी कल्याण शाखाका सचिब विष्णु प्रसाद भण्डारीले विद्यार्थीले तयार पारेको सृजनाहरुलाई कसरी उपयोग गर्न सकिन्छ भन्ने योजना बनाइरहेको बताए । प्रतिष्पर्धामा सहभागी हुँदै गएपछि मात्र विद्यार्थीहरुले सफलता प्राप्त गर्ने भन्दै प्रतियोगिताले विद्यार्थीहरुमा थप उर्जा मिलेको बताए ।

एसियन पेन्टस् क्यालिडोस्कोपकी कार्यक्रम संयोजक असिस्टेन्ट प्रोफेसर रुजुला ताम्राकारले कलेजका क्यालिडोस्कोपको १२ औं संस्करण सम्पन्न भएको जानकारी दिँदै कलेजबाट उत्कृष्ट ५ जना विजयी विद्यार्थीहरुले अब कलेज स्तरीय प्रतिष्पर्धामा भाग लिन जाने बताइन् । उनले प्रतियोगिताले विद्यार्थीहरुको पढाई सँगसँगै प्रतिभालाई उजागर गर्ने अवसर प्रदान गरेको जिकीर गरिन् ।

उक्त अवसरमा आर्किटेक्टका विद्यार्थीहरुले थेसिस प्रदर्शनी समेत गरेका थिए ।

फेसबुक प्रतिक्रिया
सम्बन्धित शीर्षकहरु