दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

एसियाली ट्रायल रेसका पदक विजेता पुरस्कृत

न्यूजलाईन्स् मिडिया संवाददाता
प्रकाशित मिति : २०८१ आश्विन १९ गते, शनिबार ६:२३

नेपाल एडभेन्चर रनिङ महासंघले एसियाली ट्रेल रेसका पदक विजेता खेलाडीलाई शुक्रबार नगदसहित सम्मान गरेको छ । मलेसियाको सबाहमा भदौ २९ गते भएको प्रतियोगितामा नेपालले ३ स्वर्ण र १ कांस्य पदक जितेको थियो । नेपालले व्यक्तिगत स्पर्धामा १ स्वर्ण र कांस्य तथा पुरुष÷महिला टिममा स्वर्ण जितेको थियो ।
व्यक्तिगत स्पर्धामा स्वर्ण जितेकी प्रिया राईले २० हजार नगद पुरस्कार प्राप्त गरिन् । टिममा पनि स्वर्ण जितेकी प्रियालाई छुट्टै ५ हजार पुरस्कार दिइयो । व्यक्तिगतमा कांस्य तथा टिममा स्वर्ण विजेता रशिला तामाङले क्रमशः १० हजार र ५ हजार नगद पाइन् ।
लोकेन्द्र राई, फुर्वासिंह तामाङ, मिलन राई र अर्जुन कुलुङ राई सम्मिलित स्वर्ण विजेता पुरुष टोली समान ५–५ हजार नगदसहित पुरस्कृत भए । प्रिया तथा रशिला बोहकका महिला खेलाडी टोलीका अन्य सदस्य पद्मकुमारी सुनुवार, छोकी शेर्पा र आङ फुर्वा शेर्पाले पनि समान ५–५ हजार नगद पुरस्कार पाए ।
सबै खेलाडीले ७८ किलोमिटर दूरीमा प्रतिस्पर्धा गरेका थिए । प्रशिक्षक पूर्ण तामाङलाई ५ हजार नगदसहित सम्मान गरियो ।
सोही अवसरमा अन्तर्राष्ट्रि ट्रेल तथा अल्ट्रा रनका स्वर्ण विजेताद्वय सुमन कुलुङ र मनकुमार रोका मगरलाई १० हजार नगद पुरस्कार प्रदान गरियो । एथलेटिक्स खेलाडीको उत्पादनमा महत्वपूर्ण योगदान पु¥याएका पूर्व धावक हरिबहादुर रोकायालाई पनि नगदसहित सम्मान गरिएको थियो ।
उनीहरुलाई राष्ट्रिय खेलकुद परिषद्का कार्यकारी समितिका सदस्य समेत रहेका नेपाल एडभेन्चर रनिङ महासंघका अध्यक्ष एकेन्द्र कुँवर, वरिष्ठ उपाध्यक्ष राजन खत्रीलगायतले नगद पुरस्कार प्रदान गरे ।
सो अवसरमा अध्यक्ष कुँवरले खेलाडीलाई धेरै भन्दा धेरै अन्तर्राष्ट्रिय प्रतियोगितामा सहभागी गराउन महासंघले पहल गरिरहेको बताउदै पुरस्कार राशी ठूलो नभएपनि मायाको चिनोका रुपमा ग्रहण गर्न आग्रह गरे ।

फेसबुक प्रतिक्रिया
सम्बन्धित शीर्षकहरु