दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

इ–प्लानेट नेशनल हाइस्कुल च्याम्पियनसीपका लागि कोशीबाट आस्था कलेज छनोट

न्यूजलाईन्स् मिडिया संवाददाता
प्रकाशित मिति : २०८१ पुष १७ गते, बुधबार ७:२८

आगामि माघ २३ गतेदेखि काठमाडौंको मुलपानी क्रिकेट मैदानमा हुने इ–प्लानेट नेशनल हाइस्कुल च्याम्पिनसीपका लागि कोशी प्रदेशबाट आस्था कलेज छनोट भएको छ।

इटहरीस्थित जनता क्रिकेट मैदानमा आज सम्पन्न फाइनलमा आस्था कलेजले सुष्मा गोदावरीलाई ७ विकेटले पराजित गरेको हो। फाइनलमा सुष्मा गोदावरीले दिएको ६३ रनको लक्ष्य आस्थाले ५. ४ ओभरमा ३ विकेट मात्र गुमाएर भेटायो।

लक्ष्य पछ्याउने क्रममा आस्थाको लागि भुपाल दंगालले मात्र १२ बलमा ३२ रन बनाए भने सौजन घिमिरेले ११ बलमा १४ रन बनाए। गोदावरीका नाजिर आलमले २ विकेट लिए।

टस जितेर ब्याटिंग गरको सुष्मा गोदावरीले निर्धारित १० ओभरमा ६२ रन बनाउदा सबै विकेट गुमायो। उसको लागि नजिर आलमले २० तथा अन्जुल मेहताले १६ रन बनाए। आस्थाको बलिंगमा प्लेयर अफ द फाइनल घोषित सौजन घिमिरेले ३ विकेट लिए।

छनोटको उपाधि सहित आस्थाले ५० हजार रुपैयाँ पुरस्कार प्राप्त गर्यो।

कोशी प्रदेश छनोट प्रतियोगितामा कुल छ टिम सहभागी थिए। सुष्मा गोदावरी, कस्तुरी कलेज, आस्था कलेज, इटहरी नमुना, नवादिप एकेडेमी, मेरील्याण्ड कलेज सहभागी थिए।

यस अघि सम्पन्न बागमती प्रदेश छनोटबाट अर्किड कलेजले काठमाडौँ यात्रा तय गरिसकेको छ। प्रतियोगिताको आगामी छनोट प्रतियोगिता मधेश प्रदेशमा पुष १८ गते जनकपुरमा सुरु हुनेछ। त्यसपछि लुम्बिनी छनोट बुटवलमा पुष २३ गतेबाट, गण्डकी छनोट पोखरामा पुष २६ गतेबाट, दोश्रो बागमती प्रदेश छनोट काठमाडौँमा माघ ३ गतेबाट, कर्णाली छनोट सुर्खेतमा माघ १० गतेबाट, सुदूरपश्चिम छनोट धनगढीमा माघ १७ गतेबाट हुनेछ। माघ २३ देखि २६ गते राष्ट्रिय फाइनल काठमाडौंमा आयोजना हुने तालिका छ।

फेसबुक प्रतिक्रिया
सम्बन्धित शीर्षकहरु