दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

काठमाडौं महानगरमा अव पिकअप एण्ड ड्रपको सिस्टम शुभारम्भ

न्यूजलाईन्स् मिडिया संवाददाता
प्रकाशित मिति : २०७५ पुष २ गते, सोमबार ८:४४

काठमाडौं। काठमाडौं महानगरमा बढ्दो सवारी साधनको कारण अचाक्ली ट्राफिक जाम हुन थालेपछि यसलाई न्यून गर्न पिकअप एण्ड ड्रपको सिस्टम शुभारम्भ गरिएको छ। काठमाडौं महानगरपालिकाको अगुवाईमा काठमाडौं महानगरको टुंडिखेल, भद्रकाली, रत्नपार्क, भोटाहिटी तथा जमल वरपर यो सिस्टमको आज पुष १ गतेवाट शुरु भएको हो।

यस क्षेत्रमा काठमाडौँ महानगरपालिकाले सार्वजनिक सवारी साधन रोकेर राख्न नपाउने व्यवस्था गरेको छ। सार्वजनिक सवारी साधन एकै स्थानमा लामो समय रोकेर राख्दा जामको समस्या बढ्नाका साथै वातावरण प्रदूषण हुने भएकाले काठमाडौं महानगरपालिकाले यस किमिसको व्यवस्था शुरु गरेको काठमाडौं महानगरपालिकाले जनाएको छ।

काठमाडौं महानगरको मुख्य स्थान मानिने र लामो वा छोटो दूरीका सार्वजनिक सवारी साधन रोकेर राख्ने स्थान टुँडिखेल आसपास नै रहेकाले यस किसिमको व्यवस्था गरिएको काठमाडौं महानगरपालिकाका प्रवक्ता ईश्वरमान डङ्गोलले बताएका छन्।

प्रवक्ता डङ्गोलका अनुसार पहिलो चरणमा यी स्थानमा यस किसिमको नियमको शुरु गरी प्रभावकारी बनाउने र अबको केही महीनाभित्र काठमाडौं महानगरपालिकाको ३२ वटै वडामा उक्त व्यवस्था लागू हुनेछ। पिकअप एण्ड ड्रप सिस्टममा यात्रुलाई ओराल्ने र बसाल्ने हो।

यस सिस्टममा पहिला जस्तो कुनैपनि सार्वजनिक सवारी साधनमा यात्रु नभरेसम्म यात्रुलाई कुरेर बस्न पाइदैन। कुनै पनि सवारी साधनले यसअघि जस्तो लामो समय रोकेर राख्ने र अर्को सावरी साधन नआउन्जेलसम्मका लागि भन्दै अटेर गरे महानगरीय ट्राफिक प्रहरीले कारवाहीको प्रक्रिया अघि बढाउने जनाएको छ।

फेसबुक प्रतिक्रिया
सम्बन्धित शीर्षकहरु