तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

दक्षिणकाली र तारकेश्वरको विजयी सुरुवात

न्यूजलाईन्स् मिडिया संवाददाता
प्रकाशित मिति : २०८१ चैत्र २ गते, शनिबार २१:२०

काठमाडौं । काठमाडौं जिल्ला अन्तरपालिका फुटबल प्रतियोगिता ‘डीसीसी कप’मा दक्षिणकाली र तारकेश्वर नगरपालिकाले विजयी सुरुवात गरेका छन् । हल्चोकस्थित सशस्त्र प्रहरी बलको मैदानमा शनिबार भएको खेलमा दक्षिणकालीले नागार्जुन नगरपालिकालाई १–० गोलले हरायो । निकै प्रतिस्पर्धात्मक खेलमा दक्षिणकालीलाई जित दिलाउन नवीन कर्माचार्यले निर्णायक गोल गरेका थिए । उनले खेलको ५४औं मिनेटमा गरेको गोल नै निर्णायक बनेको थियो । नवीन नै खेलको प्लेयर अफ द म्याच चुनिए । उनलाई दक्षिणकाली नगरपालिकाकी उपप्रमुख वसन्ती डंगोलले पुरस्कार प्रदान गरेकी थिइन् ।
काठमाडौं जिल्ला समन्वय समितिको आयोजनामा शनिबार सुरु भएको प्रतियोगिताको शनिबार नै भएको अर्को खेलमा तारकेश्वर नगरपालिकाले जित निकाल्न सफल भयो । प्रतिस्पर्धात्मक खेलमा तारकेश्वरले बुढानीलकण्ठ नगरपालिकालाई १–० गोलले पराजित ग¥यो । तारकेश्वरलाई जित दिलाउन विवश गुरुङले १२औं मिनेटमा निर्णायक गोल गरेका थिए । विवश नै खेलको प्लेयर अफ म्याच पनि घोषित भए । उनलाई तारकेश्वर नगरपालिकाका प्रमुख कृष्णहरि महर्जनले पुरस्कार प्रदान गरेका थिए ।
चैत ९ गतेसम्म सञ्चालन हुने प्रतियोगिताको संविधानसभा सदस्य ध्यानगोविन्द रञ्जितले उद्घाटन गरेका थिए । प्रतियोगिताको विजेताले दुई लाख र उपविजेता टोलीले एक लाख रुपैयाँ पुरस्कार प्राप्त गर्नेछन् । यस्तै प्रतियोगिताको सर्वोत्कृष्ट खेलाडीलाई २५ हजार तथा उत्कृष्ट गोलरक्षक र सर्वाधिक गोलकर्तालाई जनही १० हजार रुपैयाँ नगद पुरस्कार प्रदान गरिने जिल्ला समन्वय समिति काठमाडौंका प्रमुख सन्तोष बुढाथोकीले जानकारी दिए । प्रतियोगिता सञ्चालनका लागि सशस्त्र प्रहरी बल, अखिल नेपाल फुटबल संघ (एन्फा) र काठमाडौं जिल्ला खेलकुद विकास समितिले प्राविधिक सहयोग गरेको छ ।

फेसबुक प्रतिक्रिया
सम्बन्धित शीर्षकहरु