दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

दक्षिण एसियाली युथ टेबलटेनिस बिहीबारदेखि

न्यूजलाईन्स् मिडिया संवाददाता
प्रकाशित मिति : २०८२ बैशाख १० गते, बुधबार ५:३९

अखिल नेपाल टेबलटेनिस संघको आयोजनामा दक्षिण एसियाली युथ टेबलटेनिस प्रतियोगिता बिहीबारदेखि हुने भएको छ ।
प्रतियोगितामा नेपालसहित ६ राष्ट्रका ८५ खेलाडीको सहभागिता रहने मंगलबार आयोजित पत्रकार सम्मेलनमा आयोजक संघका महासचिव कुबेरप्रकाश सिंहले जानकारी गराए । भुटान बाहेक सबै दक्षिण एसियाली राष्ट्रको सहभागिता रहने छ ।
यु–१९ र यु–१५ उमेरसमूहमा टिम इभेन्ट, सिंगल्स, डबल्स र मिक्स डबल्समा गरी जम्मा १४ स्वर्णका लागि प्रतिस्पर्धा हुने छ । प्रतियोगिता उज्वेकिस्तानमा हुने एसियाली जुनियर टेबलटेनिसको छनोटका रुपमा समेत रहेको टेबलटेनिसका मुख्य प्रशिक्षक मोहनदास बासुकलाले जानकारी गराए ।
मुख्य प्रशिक्षक बासुकलाका अनुसार यु–१९ को टिम स्पर्धामा पहिलो र दोश्रो हुने टोली एसियाली जुनियर टेबलटेनिसका स्वतः छनोट हुने छन् । यो उपलब्धि हासिल गर्न नसक्ने राष्ट्रको हकमा प्रत्येक राष्ट्रलाई यु–१५ उमेरसमूहमा समान १÷१ पुरुष÷महिला खेलाडीलाई वाइल्ड कार्डमार्फत सहभागिताका लागि कोटा प्रदान गरिने छ ।
आयोजक संघका अध्यक्ष वृजेन्द्रबहादुर हमालले प्रतियोगिता सञ्चालन गर्न सहयोग गर्ने सम्पूर्णलाई धन्यवाद दिदै आभार प्रकट गरे । एसियाली टेबलटेनिस युनियनको वार्षिक क्लोन्डर अनुसार हुन लागेको चारदिने प्रतियोगिताका खेलहरु लैनचौरस्थित राष्ट्रिय टेबलटेनिस प्रशिक्षण केन्द्रको हलमा हुनेछ ।

फेसबुक प्रतिक्रिया
सम्बन्धित शीर्षकहरु