तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

चर्चित यातायात व्यवसायी सरोज सिटौला कांग्रेस प्रवेश

न्यूजलाईन्स् मिडिया संवाददाता
प्रकाशित मिति : २०८२ असार ३ गते, मंगलवार ७:०२

काठमाडौँ १ असार । नेपालका चर्चित यातायात व्यवसायी सरोज सिटौला नेपाली काँग्रेस प्रवेश गरेका छन् ।

तीन दशकभन्दा लामो समय नेपालको यातायात क्षेत्रमा क्रियाशिल सिटौला आइतबार कांग्रेस केन्द्रीय कार्यालयमा आयोजित कार्यक्रममा कांग्रेस प्रवेश गरेका हुन् । सिटौला यातायात क्षेत्रका चर्चित नेता हुन् ।

सिटौलालाई कांग्रेस सभापति एवम् पूर्वप्रधानमन्त्री शेरबहादुर देउवा, महामन्त्री गगनकुमार थापा, पूर्व उपसभापति गोपालमान श्रेष्ठलगायतका नेताले पार्टी प्रवेश गराएका हुन् ।

कांग्रेस परिवारको पृष्ठभूमीको जन्मेका सिटौला राजनीति भन्दापनि यातायात व्यवसायीको हक, हित र अधिकारको वकालत गर्दै आएका थिए । उनी हाल नेपाल यातायात व्यवसायी महासङ्घको वरिष्ठ उपाध्यक्ष छन् ।

कांग्रेस प्रवेशपछि सिटौलाले आफू लोकतान्त्रिक परिवारको सदस्य भएपनि राजनीतिक विचार फरक रहँदाका बखतपनि आफूले लोकतान्त्रिक मूल्य मान्यतालाई आत्मसाथ गर्दै यातायात क्षेत्रको मुद्दालाई निरन्तर उठाँउदै आएको बताए ।

सिटौला आइतबार आमाबुबाको आर्शिवाद लिएर कांग्रेस प्रवेश गरेका हुन् । सिटौलाका बुबाआमा पुराना कांग्रेस हुन् ।

“मलाई मेरो कार्यशैलीका कारण धेरै साथीहरुले तपाईँ नेपाली काँग्रेसको नेता हुनुपर्ने भनी जिज्ञासा राख्ने गर्नुहुन्थ्यो, जुन आज सफल भएको छ, आगामी दिनमा मेरो तनमन नेपाली कांग्रेस र कांग्रेसको शुभेच्छुक संस्था नेपाल लोकतान्त्रिक यातायात व्यवसायीको संघको संगठन विस्तारमा लाग्नेछु,”– सिटौलाले भने ।

सिटौलाले आगामी दिनमा राष्ट्रियता, लोकतन्त्र र समाजवाद पार्टीको मुल सिद्धान्तलाई आत्मासाथ गर्दै अगाडि बढ्ने प्रतिवद्धता समेत व्यक्त गरेका छन् ।

फेसबुक प्रतिक्रिया
सम्बन्धित शीर्षकहरु