दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

४ हजारभन्दा बढी दर्शकका बिच दुबईमा गुन्जिए कुमा सागर (फोटोफिचर)

न्यूजलाईन्स् मिडिया संवाददाता
प्रकाशित मिति : २०८२ श्रावण ५ गते, सोमबार १२:५३

काठमाडौँ । ४० डिग्रीको उखरमाउलो गर्मी । हलमा एसी जडान त थियो तर थेगिनसक्नुको भिडका कारण राम्ररी काम गरिरहेको थिएन ।असिनपसिन हुँदै कुमासागर गुन्जिँदै थिए–

ओ जाने भए जाउ
ए माया अब धेरै नसताउ
ओ तिम्रो त्यो चाल देखेर आज
फुरफुरी लाग्यो लौ

जब उनले मञ्चमा ब्याण्डसहित आफ्नै शैलीमा प्रस्तुती दिनमात्र के थालेका थिए, समर्थकले उनको स्वागतमा चर्को हुटिंग हुन सुरु भइहाल्यो । यूएईको दुबईस्थित अल नासर लेजरल्याण्डको हलमा ४ हजार भन्दा बढी दर्शकको सहभागितामा आइतबार साँझ कुमा सागर र खोप ब्याण्डले धमकेदार प्रस्तुति दिएको हो ।
गोर्खा साँझ सिजन ३ को उक्त प्रस्तुतीमा कुमा सागर पहिलो पटक दुबईमा गुञ्जिएका हुन् । उनको दुबईमा पहिलो प्रस्तुती भएर पनि होला उनका फ्यानहरु चर्को गर्मीका बिच कार्यक्रम हेर्न आइपुगेका थिए ।

कुमाले आफ्नो प्रस्तुतीका क्रममा हावाको लहर, ओ चम्पा, चमेलीको फूलसहित नेपाली संगीत र धुनहरु सुनाएर दर्शकलाई मत्रमुग्ध बनाए । कुमा र उनको ब्याण्डले प्रस्तुती दिइरहँदा लगातार दर्शकहरुले साथ दिँदै माहोल तताइरहे ।

प्रस्तुतीका क्रममा कुमा सागरले आफूहरु २ दिन दुबईमा रहँदा गर्मीले त्रर्सिएको उल्लेख गर्दै आफ्नो गुजाराका लागि कयौँ वर्ष पसिना बनाइरहेका नेपालीहरुलाई सम्मान गर्न चाहेको बताए । उनले रहर र खुसीका लागि पसिना बगाउनु नेपालीको बाध्यता भएको भन्दै भावनात्मक कुरा पनि गरे । यस्तै उनले नेवा संस्कृतिको पुनर्जन्ममा आफुहरु संगीतमार्फत लागिपरेको पनि बारम्बार दोहोर्याइरहे ।
प्रस्तुतीका क्रममा कुमालाई ब्याण्डका कलाकारहरूमा शरद देउला, रोशन बज्राचार्य, सुमन गैडा, प्रबिन लाखु, रोशिक जाधरी, अमन माली, बीके प्रजापति, रोज महर्जन र रामसुन्दर धुसुले साथ दिएका थिए ।
u

कुमाअघि डान्सर ममता राना मगर, लोक दोहोरी गायक मोहन खड्काले आफ्नो प्रस्तुती दिएका थिए । यस्तै दुबईमै रहेर सक्रिय कन्दरा ब्याण्डले पनि भरपुर मनोरञ्जन दिएको थियो ।
कार्यक्रम संयोजक भीम मल्ल ठकुरीले अघिल्लो संस्करण भन्दा भव्यरुपमा कार्यक्रम सम्पन्न भएको जानकारी दिँदै यसका लागि साथ दिने साथ दिने सबै सरोकारवालालाई धन्यवाद दिए । कार्यक्रमको सहसंयोजक अनिल गुरुंगले आइतबारको कार्यक्रममा नेपाली समूदायको समर्थनले आफूहरु थप उत्साहित भएको बताए ।

कार्यक्रममा यूएईका लागि नेपाली राजदूत तेजबहादुर क्षेत्री, एनआरएनए यूएईका अध्यक्ष विकास शाही, एनआरएनए आईसीसीका उपाध्यक्ष मनोज गोर्खालीका साथसाथै विभिन्न संघसंस्थाका प्रतिनिधिहरुको सहभागिता रहेको थियो ।

फेसबुक प्रतिक्रिया
सम्बन्धित शीर्षकहरु