चैत्र 19, काठमाण्डौ । श्रीकृष्ण प्रणामी धर्मका प्रणेता प्राणनाथजीको यस धर्तीमा प्रार्दुभाव भएको ४ सय वर्ष पुगेको अवसरमा श्रीकृष्ण प्रणामी सेवा समिति नेपालले आगामी बैशाख ७ गते देखि १३ सम्म श्रीकृष्ण प्रणामी मन्दिर नवतनधाम गोठाटारमा अन्तराष्ट्रिय धार्मिक पर्यटन महोत्सवको आयोजन गर्ने भएको छ ।
आज नेपाल पर्यटन बोर्ड , भृकुटीमण्डपमा आयोजित पत्रकार भेटभाट कार्यक्रममा सो विषयमा जानकारी गराइएको हो ।
सो धार्मिक पर्यटन महोत्सवबारे जानकारी गराउँदै श्रीकृष्ण प्रणामी सेवा समिति नेपालका अध्यक्ष मदन शर्माले प्राणी मात्रको कल्याणको लागि समर्पित श्रीकृष्ण प्रणामी सेवा समिति, समाज परिवर्तनका लागि एक अभियान भएको बताउँदै नेपालमा हुने यस धार्मिक पर्यटन महोत्सवले नेपालको पर्यटनको क्षेत्रमा योगदान पुन्याउने आशा गर्नु भयो ।
देश विदेशबाट दैनिक बीस हजार भन्दा बढी भक्तजनहरुको सहभागी हुने यस महोत्सवमा सन्तहरु, सरकार प्रमुख, मन्त्रिहरु, सरकारका विशिष्ट व्यक्तिहरु, विभिन्न धार्मिक सामाजिक संस्थाका प्रतिनिधहरु , राष्ट्रिय कलकारहरु लगायत गैर सरकारी संस्थाहरुको पनि सहभागिता हुने जानकारी गराईएको छ ।
यस अन्तराष्ट्रिय स्तरको े महोत्सवमा भारतको सिक्किम राज्यका मुख्य मन्त्रि पवन चामलिड. लगायत , बेलायत, अमेरिका , भुटान र छिमेकी राष्ट्र भारतका विभिन्न प्रान्तबाट भक्तजनहरु उपस्थित हुने पत्रकार भेटघाट मार्फत जानकारी गराइएको छ ।
२०८२ बैशाख १३ - शनिबार
