बुटवल- रुपन्देहीको भैरहवामा रहेको एभरेष्ट आयल सप्लायर्समा आगलागी भएको छ । सिद्धार्थनगरपालिका वार्ड नं.८ मा रहेकाे साे सप्लायर्समा इन्धन बाेकेर आएको ट्यांकरबाट ट्यांकीमा तेल खनाउने क्रममा ट्यांकरमा आगलागी भएकाे छ ।
आगलागीका कारण लु २ ख १५४१ नम्बरको ट्यांकर पूर्णरुपमा नष्ट भएको छ भने ३० हजार लिटर डिजल पनि नष्ट भएको रुपन्देही प्रहरीले जानाएको छ ।
त्यसैगरी आगलागीबाट इन्धन खन्याउने मेशिन अपरेटर नारायण खनालको हात खुट्टा पोलेर सामान्य घाइते भएको रुपन्देही प्रहरी प्रवक्ता खड्क बहादुर खत्रीले बताए ।
आगलागीपछि सिद्धार्थनगर नगरपालिका, तिलोत्तमा नगरपालिका,बुटवल उपमहानगरपालिका र लुम्बिनी सांस्कृतिक नगरपालिकाबाट आएका दमकलले आगाे निभाएका छन् ।
२०८१ मंसिर २४ - सोमबार
