दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

आज एन्टिजेन र पिसीआर विधिबाट गरिएको १५ हजार ३३ नमु्ना परीक्षणमा २४४४ जनामा संक्रमण पुष्टि

न्यूजलाईन्स् मिडिया संवाददाता
प्रकाशित मिति : २०७८ पुष २७ गते, मंगलवार १८:५९

काठमाडौं । नेपालमा आज २४४४ जनामा कोरोना संक्रमण पुष्टि भएको छ । आज एन्टिजेन र पिसीआर विधिबाट गरिएको १५ हजार ३३ नमु्ना परीक्षणमा २४४४ जनामा संक्रमण पुष्टि भएको हो ।

सोमबारको तुलनामा आज संक्रमित हुनेको संख्या झण्डै १ हजारले बढी हो ।

आज उपत्यकाको काठमाडौंमा ९८०, भक्तपुरमा ८५ र ललितपुरमा २२१ जनासँगै १२८६ जनामा संक्रमण पुष्टि भएको हो । सोमवारको तुलनामा उपत्यकामा संक्रमित हुनेको ३७० ले बढी हो ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थपिएका २४४४ जनासँगै नेपालमा हालसम्म कोरोना संक्रमित हुनेको संख्या ९ लाख ३२ हजार ६९८ पुगेको छ ।

त्यसैगरी पछिल्लो २४ घण्टामा ३१३ जनामा कोरोना संक्रमणबाट मुक्त भएका छन् । आज निको भएका ३१३ जनासँगै नेपालमा कोरोनाबाट मुक्त हुनेको संख्या ८ लाख १४ हजार ७९८ पुगेको छ ।

नेपालमा पछिल्लो २४ घण्टामा १ जनाले कोरोनाबाट ज्यान गुमाएका छन् । हालसम्म ११ हजार ६०७ जनाको कोरोनाबाट मृत्यु भएको छ ।
मन्त्रालयको विवरण अनुसार ९ हजार ५२२ जना सक्रिय संक्रमित रहेका छन् । ती मध्ये हाल होम आइसोलेशनमा ८ हजार ८६७ जना र ६५५ जना संस्थागत आइसोलेशनमा रहेका छन् । ती मध्ये ९३ जना आइसीयु र १९ जना भेन्टिलेटरमा उपचाररत छन् । सोमवारको तुलनामा आइसीयु र भेन्टिलेटरमा रहनेको संख्या बढेको छ ।

नेपालमा पछिल्लो २४ घण्टामा १ लाख ८० हजार ४५७ जनाले कोरोना भाइरसविरुद्धको खोप लगाएका छन् ।

नेपालमा हालसम्म कोरोना भाइरसविरुद्धको खोप लगाउनेको संख्या २ करोड ६५ लाख ८५ हजार ६६७ पुगेको छ । जसमा १ करोड ५२ लाख ४९ हजार १२९ जनाले पहिलो मात्रा र १ करोड १३ लाख ३६ हजार ५३८ जनाले दोस्रो मात्राको खोप लगाएका छन् ।

फेसबुक प्रतिक्रिया
सम्बन्धित शीर्षकहरु