दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

प्लाज्माथेरापीको लागि रक्तदान कार्यक्रम

न्यूजलाईन्स् मिडिया संवाददाता
प्रकाशित मिति : २०७७ भाद्र २३ गते, मंगलवार २२:१९

बुटवल – बिगत लामो समयदेखि समाजमा कसैलाई पनि रगतको अभाव नहोस् भन्ने हेतुले स्थापना भएको नेपाल नियमित रक्तदाता संघ रुपन्देहीले कोभिड–१९ (कोरोना भाईरस) महमारीको बीचमा पनि नियमित रुपमा रक्तदान कार्यक्रम गर्दै आएको छ ।

लियो क्लब अफ नवलपरासी दाउन्ने र नेपाल नियमित रक्तदाता संघ रुपन्देहीको संयुक्त आयोजनामा मंगलवार रक्तदान कार्यक्रम सम्पन्न भएको छ । कार्यक्रम बर्दघाट नगरपालिकाको सहकार्यमा भएको हो । कार्यक्रममा प्रमुख अतिथि बर्दघाट नगरपालिकाका नगर प्रमुख धीरज शर्मा बस्यालले कोभिड बिरुद्धको संर्घषमा प्लाज्माथेरापीका लागि रक्तदान गरेर संक्रमित भएर निको भएका नगरवासीहरुले निकै सह्रानीय कार्य गरेको बताउनुभयो । उहाँले यो कार्यमा लाग्ने सबैमा धन्यवाद ज्ञापन गर्नुभयो ।

कार्यक्रममा डा.प्रशान्त आचार्यले संक्रमित भएर निको भएकाहरुको रगतबाट प्लाज्माथेरापी गरी कोरोना बिरुद्ध एन्टिबडी तयार हुने भएको हुदाँ यो निकै महत्वपूर्ण रहेको बताउनुभयो । नियमित रक्तदाता संघ रुपन्देहीले कोरोनाबाट संक्रमित भएर निको भएकाहरुको रगत प्लाज्मा थेरापीको लागि रक्तदाताहरुको खोजिमा सक्रिय रुपमा लागेको छ ।

कार्यक्रममा प्रमुख जिल्ला अधिकारी सागर मणि पाठक, जिल्ला स्वास्थ्य कार्यालयका प्रमुख गौरव ढकाल, बर्दघाट नगरपालिकाका स्वास्थ्य शाखा प्रमुख माधव ज्ञवाली लायन्सका जोन चियरपर्सन युवराज डुम्रेलगायतको आतिथ्यता रहेको थियो । कार्यक्रममा ६ जना कोरोना संक्रमित भएर निको भएकाहरुले रक्तदान गरेका थिए । कार्यक्रम लायन्स क्लब अफ दाउन्ने नवलपरासी अध्यक्ष रामचन्द्र अधिकारीको अध्यक्षतामा सम्पन्न भएको थियो ।

फेसबुक प्रतिक्रिया
सम्बन्धित शीर्षकहरु