
कमल राज पुरी – गुल्मीमा थप एक जना कोरोना संक्रमितको मृत्यु भएको छ । यो सँगै कोरोनाबाट मृत्यु हुनेको सँख्या गुल्मीमा २ पुगेको छ भने आजसम्म देशभर १८ जनाले कोरोना बाट ज्यान गुमाएका छन ।
जिल्लाको धुर्कोट गाउँपालिका– ४ जैसिथोकका ३६ वर्षीय पुरुषको शनिवार राती कोरोना संक्रमणबाट मृत्यु भएको बताइएको छ । मृतक दुइ वर्ष अगाडि देखि नै आन्द्राको क्यान्सर बाट पीडित रहेका थिए । केहिदिन अगाडी उनलाइ रगतको कमी हुदा उपचारमा सँलग्न स्वार्थ्यकर्मीले नै रगत दिएका थिए ।उनको अवस्था जटिल बन्दै जाँदा वेडमा बस्न नसकेर भुइमा नै राखेर उपचार गरिएको थियो ।छिमेकी मुलुक भारतबाट आएर धुर्कोट गाउपालिकाको क्वारेन्टिनमा बस्दै आएका उनलाई जेठ १२ गते कोरोना संक्रमण पुष्टि भएको थियो ।
कोरोना सँक्रमण पुष्टि भएपछी रेसुङ्गा नगरपालिका वडा नम्बर -९ उपल्लो तम्घासको आइशोलेसन कक्षमा राखेर उपचार गरिदै आएको थियो । उपचारकै क्रममा उनको मृत्यु भएको जिल्ला स्वास्थ कार्यालय गुल्मीले जानकारी दिएको छ । शवलाई राति नै उनकै जन्मस्थान नजिकै नेपाली सेनाले व्यवस्थापन गरेको प्रमुख जिल्ला अधिकारी भरतकुमार शर्माले बताएका छन ।
गुल्मीका पहिलो सँक्रमित मदाने गाउपालिकाका एक शिक्षकको उपचारको क्रममा जेठ ८ गते क्रिमसन अस्पताल बुटवलमा निधन भएको थियो ।


