२०८१ भाद्र २३ - आईतवार
फोर्ब्स पत्रिकाले विश्वमै धेरै पैसा कमाउने सेलिब्रेटीको सूची जारी गरेको छ। सन् २०१७ का लागि सार्वजनिक गरिएको यो सूचीमा अभिनय, संगीत, गायन, साहित्य, खेलजस्ता विभिन्न विधाका सेलिब्रेटीहरुको कमाइका आधारमा उनीहरुको नामांकन गरिएको छ।
सूची अनुसार एक नम्बरमा अमेरिकी गायक, र्यापर तथा कलाकार सन कोम्ब्स परेका छन् भने दुई नम्बरमा गायिका तथा अभिनेत्री बियोन्से परेकी छन्।
तेस्रो नम्बरमा लेखिका जेके रोलिङ, चौथोमा गायक ड्रेक र पाँचौंमा फुटबल खेलाडी रोनाल्डो परेका छन्।
यो सूचीमा बलिउडका तीन कलाकार पनि पर्न सफल भएका छन्। अभिनेताहरू शाहरूख खान, सलमान खान र अक्षय कुमार यो सूचीमा परेका हुन्।
बलिउड तीन कलाकारमध्ये सबैभन्दा अगाडि शाहरूख खान छन्। उनी सूचीको ६५ औं नम्बरमा परेका छन्। उनीसँगै ६५ नम्बरमा हलिउड गायिका जेनिफर लोपेज र चेनस्मोकर ब्याण्ड पनि छन्। उनीहरुको कमाइ ३८ मिलियन अमेरिकी डलर छ।
त्यस्तै सलमान खान सूचीको ७१ नम्बरमा परेका छन्। उनीसँगै ७१ नम्बरमा फुटबल खेलाडी नेइमार, लेखक तथा पत्रकार बिल औरेइली, गायिका डली पार्टन र गायक एड शिरान पनि परेका छन्। उनीहरुको कमाइ ३७ मिलियन अमेरिकी डलर छ।
अक्षय कुमार सूचीको ८० औं नम्बरमा परेका छन्। उनको कमाइ ३५.५ मिलियन अमेरिकी डलर छ।
