ट्रेलर सार्वजनिक भन्दा एक साता अगाडि चलचित्र ‘प्रेमगीत २’का केही तस्बिरहरु सार्वजनिक भएका छन् । चलचित्रको क्लाइमेक्समा समावेश केही तस्बिरहरु सार्वजनिक भएको हो ।
सार्वजनिक तस्बिरमा चलचित्रका मुख्य कलाकार प्रदिप खड्का र निर्माता सन्तोष सेनविचको भिडन्त देख्न सकिन्छ । हुनत, यतिबेला निर्माणपक्षले यी तस्बिरहरु लिक भएको भनेर भनिरहेको छ । तर, निर्माणपक्षले ट्रेलरको हाइप बढाउन क्लाइमेक्सका तस्बिरहरु सार्वजनिक गरेको प्रष्ट हुन्छ । निर्माता सन्तोष सेनले चलचित्रकै यूनिट भित्रका एक व्यक्तिले फेसबुकमा तस्बिर अपलोड गरिदिएको बताइरहेका छन् ।
तर, ट्रेलर सार्वजनिक अगाडि तस्बिर सार्वजनिक गरेर सन्तोष र ‘प्रेमगीत २’को निर्माणपक्ष दर्शकमा कौतुहलता बढाउन चाहन्छ । यसैका लागि निर्माणपक्षले आफै तस्बिर सार्वजनिक गरेको प्रष्ट छ । यो प्रचार शैलीलाई निर्माताको चलाखी मान्नुपर्छ ।
२०८१ आश्विन २७ - आईतवार
