माफ गर छोरी !!
मैले तिमीलाई जन्माउन चाहिन।
जन्माउन मात्र हो र?
मैले तिमीलाई गर्भमै बोक्न चाहिन।।
तिमी मेरो गर्भमै मारिने डरले,
तिमी जन्मे पछि फेरी,
तिम्रो शुकोमलता,
विभेद सहेरै हुर्कनु पर्ने डरले
र फेरी
तिमीलाई यि नरपिचाशले
चिथोर्ने डरले
हिंसा र अत्याचार गर्ने डरले
माफ गर छोरी!!
मैले तिमीलाई जन्माउन चाहिन
जन्माउन मात्र होर??
मैले तिमीलाई गर्भ मै बोक्न चाहिन।।
म तिम्री आमा!!
तिम्रो चित्कार सहन सक्ने छैन,
तिम्रो पिडा देख्न सक्ने छैन,
तिम्रो हत्या सुन्न सक्ने छैन,
तिम्रो सुकोमल अनुहारको पिडा कल्पेर
मैले तिमीलाई जन्मदिन सकिन ,
माफ गर छोरी !!
मैले तिमीलाई गर्भमै राख्न सकिन।
थुप्रै पटक,,
म तिम्रो बाल शुलभतामा मुस्कुराए
तिम्रो यौवन कल्पदै रमाए
तर जब यि नर पिपाशुका आखा र मन संझन्छु
म झस्केर सपनामै व्यूझेर चिच्याउछु
माफ गर छोरी !!
तिम्रो बालशुलभता निमोठिने डरले
मैले तिमीलाई जन्मदिन सकिन।
मैले तिमीलाई गर्भ मै लिन सकिन।
माफ गर छोरी!!!
मैले तिमीलाई जन्म दिन सकिन
मैले तिमीलाई गर्भ मै लिन सकिन।
२०८१ चैत्र ८ - शुक्रबार
