सन्तोष बजगाई, काठमाण्डौं । डिल बहादुर लामाको शब्द सागर बिराहीको लय र बिष्णु माझि तथा कुमार सुवेदिको आवाजमा जिउँदो लास बोलको गीत यतिबेला बजारमा आएको छ । वियोगान्त यस गीतमा जीवन मृत्युको दोसाँधमा पुगे पनि आफ्नो जीवन सङ्गिनीको याद सम्झना साथमा सधै हुनेछ भनिएको छ । कलाकार लामाले आफ्नो शिक्षण पेशासङ्गै गीत सङ्गीत र साहित्यलाई साथमा लिएर यात्रा गर्दै गर्दा नयाँ कलाकार साथीहरूलाई शब्दमा सहयोग गरेका हुन् । उन्को यो तेस्रो कोसेलीको रूपमा बजारमा आएको हो । सानै उमेरदेखि गाउँ घरमा मेलापात र गोठालो जाँदा गीत गुनगुनाउने उनी बिस्तारै साङ्गितिक क्षेत्रमा प्रबेश गरेका हुन् । बुद्धिवीर थापा, आशा खड्का र लक्ष्मणको अभिनय रहेको छ भने गीतको छायांकन मुकेश हुमागाईले र निर्देशन बबिता श्रेष्ठले गर्नु भएको हो । यो गीत प्रियसी म्युजिक प्रा.लि.बाट बजारमा आएको छ।
२०८० मंसिर २१ - बिहीबार
