काठमाडौं- लघु फिल्म ‘एक लभर’को फस्टलुक पोस्टर सार्वजनिक गरिएको छ। द सेलिब्रेटी टाइम्सको ब्यानरमा निर्माण गरिएको चलचित्रको आज सामाजिक संजालमार्फत दुई तस्विर सार्वजनिक गरिएको हो।
सो लघु फिल्ममा शाहिल खान, अनुपमा भण्डारीबाहेक राज थापा क्षेत्री, सरु माझीको पनि अभिनय देख्न रहेको निर्माण टिमले जनाएको छ। एक हप्ता लगाएर छायांकन गरिएको यो लघु फिल्मलाई रामजी ज्ञवालीले निर्देशन गरेका हुन्। साथै उक्त लघु फिल्ममा आर्यन अधिकारीले सहायक निर्देशकको भुमिका निभाएका छन्। चलचित्रका निर्माता दुर्गा प्रसाद ज्ञवालीका अनुसार यो लघु फिल्म आउँदो कात्तिक १७ गते सार्वजनिक गरिनेछ।
उक्त लघु फिल्ममा गीत समेत राखिएको निर्देशक समेत रहेका रामजी ज्ञवालीले जानकारी दिए। उनले ‘एक लभर’ मा सामाजिक विषयवस्तु उठान गरेको पनि बताए।
२०८१ मंसिर २६ - बुधबार
