सेन्ट जर्ज स्कुलमा गुरुपूर्णिमा सम्पन्नरुपन्देहीमा सिद्धार्थ डेरी साइकल यात्रीलाई मोही वितरणकाभा यू–२० महिला भलिबल ः नेपालले सेमिफाईनलमा कीर्गिस्तानसँग खेल्नेप्रधानमन्त्री ओलीलाई दुईतिहाई सांसदको समर्थन, पाए विश्वासको मतकवि राजेन्द्र ओझा ‘नयन’द्वारा रचित ‘अभिलाषाका झारहरू’ कवितासङ्ग्रह विमोचनचितवनमा “तपाईं बजार” को शुभारम्भलोक दोहोरी गीत ‘दमौलीमा गेट" को रिमेक भर्सन बजारमा [भिडियो]गुरुप्रति सम्मान भाव प्रकट गरी आज गुरु पूर्णिमा पर्व मनाइँदैदाना कपमा नेपाली टोली डेन्मार्क प्रस्थाननेपाल बक्सिङ महासंघको चौथो पूर्ण कार्यसमितिको बैठक सम्पन्न

समाजसेवी मोहन वहादुर गिरीको नवलपुरमा उच्च सम्मान

न्यूजलाईन्स् मिडिया संवाददाता
प्रकाशित मिति : २०८० फाल्गुन ७ गते, सोमबार १९:३३

काठमाडौं। सिन्धुपाल्चोक जिल्लाको इन्द्रावती गाउंपालिका वडा नंबर ४ नवलपुर स्थित नवलपुर माध्यमिक विद्यालयले स्थापनाको बार्षिक उत्सव मनाएको छ। नवलपुर माध्यमिक विद्यालयले आइतवार स्थापनाको ७५ औं बार्षिक उत्सव मनाएको हो।

उक्त बार्षिक उत्सवमा आयोजित कार्यक्रममा त्यहाँ अध्ययनरत विद्यार्थी तथा अध्यापनरत शिक्षक सहित ३५३ जनालाई सहयोग वितरण गर्ने कार्य समाजसेवी मोहन वहादुर गिरीवाट भएको छ। समाजसेवी गिरीले विद्यार्थी तथा शिक्षकलाई आवश्यक शैक्षिक सामाग्री तथा न्याना लुगाकपडा सहयोग गर्ने कार्य भएको हो।

Mohan Giri Samman 11708349858.jpg

Mohan Giri Samman 31708349860.jpg

Mohan Giri Samman 51708349861.jpg

लामो समयदेखि विद्यालय परिवारलाई विभिन्न समयमा व्यक्तिगत रुपमा यसरी नै सहयोग प्रदान गर्दैआएका समाजसेवी गिरीको विद्यालय परिवारले उच्च सम्मान पनि आइतवार नै गरेको छ। सम्मान पत्र सहित दोसल्ला ओढाएर समाजसेवी गिरीलाई  विद्यालय परिवारले उच्च सम्मान प्रदान गरेर गिरीको योगदानको कदर गरेको छ।

उनै सामाजिक अभियन्ता एवम् समाजसेवी गिरीले गत हप्ताको मंगलवार मात्र पनि इन्द्रावती गाउंपालिका वडा नंबर ८ गहते स्थित चन्द्रवती आधारभूत विद्यालयका विद्यार्थी तथा शिक्षकहरुका लागि जाडोमा न्याना लुगा तथा शैक्षिक सामाग्री सहयोग गर्ने कार्य गरेका थिए।

Mohan Giri Samman 21708349858.jpg

यसअघि पनि, विभिन्न दर्जनौ विद्यालयहरुमा आवश्यक शैक्षिक सामाग्री लगायतका सहयोग गर्ने र गराउने कार्यमा अग्रता दिदैआएका गिरीले हालैमात्र इन्द्रावती गाउंपालिका वडा नंबर ११ निवासी सुजन माझीको इन्जिनियर बन्ने सपनालाई पूरा गरिदिएका छन्।

उनले सुजन माझीलाई ललितपुर कुपण्डोल स्थित जनकपुर इन्जिनियरिङ कलेजमा लगेर नगद पाँच लाख खर्चेर भर्ना गरिदिएका छन्। जसवाट निक्कै नै भावुक बनेका सुजन माझीले समाजसेवी मोहन वहादुर गिरीलाई आँखाले देख्खिने भगवान भनेर सामाजिक सञ्जालमा नै आएर आभार व्यक्त गरेका छन्।
सुजन माझी जस्ता आर्थिक रुपमा विपन्न प्रतिभाशाली धेरैको भविष्य बनाउने कार्यमा लाग्दैआएका गिरीले यसअघि नर्सिङ पढ्ने सातजना विद्यार्थीहरुलाई सहयोग गरेर नर्स पढ्ने उनीहरुको सपना पूरा गरिदिएका छन्। आफू नेपाल प्रहरीको सेवामा कार्यरत रहदा देशका कुना कन्दरामा पुग्दा देखेका अनि भोगेका अनुभववाटै समाजसेवा लाग्न प्रेरित भएको र आफूले प्रहरी सेवामा लागेर कमाएका तलव सुविधालाई जोगाएर हाल समाजसेवामा खर्चेको बताउने उनी पूख्र्यौली सम्पतिवाट आर्जित रकमलाई पनि यसतर्फ अर्पेका भन्छन्।

Page No.1-Mohan Giri 11708349863.jpg
मानिस सामाजिक प्राणी भएकोले समाजमा बस्नु उसको विशेषता हो । कुनै पनि मानिसले आफ्नो चाहना, आवश्यकता, इच्छा पूरा गर्न देखि समस्याहरु समाधान गर्न समाजमा भर पर्नु पर्दछ । समाजमा बसेका मानिसहरुलाई समाजले धेरै सहयोग गर्दछ । यसका साथै मानिसहरु बिच एकता बढाउने काम समाजले गर्दछ । समाज र मानवको आवश्यकताले कानून, सडक, अस्पताल जस्ता अति आवश्यक पुर्वाधारको व्यवस्था मिलाएको हुन्छ । यसकारण, समाज सेवा भनेको समाजमा रहेर मानवको सेवा गर्नु हो भनेर सिन्धुपाल्चोक जिल्ला इन्द्रावती गाउंपालिका वडा नंबर २ निवासी सामाजिक अभियन्ता एवम् समाज सुधारक मोहन वहादुर गिरीले भनेका छन्।
यसको मतलब समस्यामा परेका मानिसहरूलाई मदत गर्नु हो भनेर सामाजिक अभियन्ता मोहन बहादुर गिरीले भनेका छन्। समाजको सामाजिक अवस्था सुधार गर्न व्यक्ति वा संस्थाले गर्ने सेवालाई ‘समाजसेवा’ भनिन्छ । यही समाज सेवा गर्न र गराउन आफू व्यक्तिगत रुपमा तथा सामाजिक रुपमा लायन्स क्लव लगायतका सामाजिक संस्था मार्फत विगत पाँच बर्षदेखि निरन्तर समाज सेवामा लाग्दैआएको खुलासा उनले गरेका छन्।
समाजसेवी मोहन वहादुर गिरीको समाजसेवा स्वैच्छिक सेवा हो । गिरीको भनाईमा समाजसेवाले गर्दा समाजको र देशको विकास हुन्छ । समाजसेवा गर्नेले बदलामा केही आशा गर्दैनन् । यो सेवा मानवीय विचारमा र कुनै लाभको उदेश्य बिना प्रदान गरिन्छ । व्यक्तिगत स्वार्थभन्दा समाजको हित महत्वपूर्ण हुनेहरू मात्र समाजसेवामा अगाडि आउनु पर्दछ । जसले गर्दा समाजको र देशको विकास हुन्छ । सामाजिक सेवाको अर्थ कार्य, र व्यक्ति, परिवार, समूह र समुदायका लागि फरक पार्ने शक्ति भएको गतिशील र अद्वितीय मदत गर्ने सेवा हो । सामाजिक सेवाको प्राथमिक लक्ष्य भनेको समाजको समग्र कल्याणलाई सुधार्नु हो, विशेष गरी सबैभन्दा कमजोर जनसंख्याको लागि सुधार्नु हो भन्ने गिरीको धारणा छ।
समाज सेवामा लाग्नुअघि, मोहन वहादुर गिरी नेपाल प्रहरीको जागिरे जीवनमा समर्पित थिए । जसमार्फत देश र जनताको १९ बर्ष सेवा गरेर असईवाट निवृत बनेका हुन्। नेपाल प्रहरीको सेवामा १९ बर्ष कार्यरत रहदा निष्ठाको सेवा कार्य गरेर सवैवाट वाहवाही तथा स्याबासी पाएका गिरीले सेवा निवृत भएपछि मासिक रुपमा आउने मासिक नगद २० हजार पेन्सनलाई पनि सही सदुपयोग गर्दैआएका छन्।
इन्द्रावती गाउंपालिका वडा नंबर २ मा नै रहेको सरस्वती आधारभूत विद्यालयमा नीजि स्रोतवाट अंग्रेजी शिक्षक आवश्यक भएको कारण आफ्नो मासिक पेन्सन रकमवाट तलब खुवाउने गरेर अंग्रेजी शिक्षकको व्यवस्था गरेका हुन्। यसवाट गाउंमा नै उच्चस्तरको अंग्रेजी पठन पाठन गर्न र गराउन सहजता मिलेकोमा आफूलाई अत्यन्त गौरबता लागेको जानकारी पनि गिरीले दिएका छन्।

फेसबुक प्रतिक्रिया
सम्बन्धित शीर्षकहरु